ሓይሊ ኣየር ኢትዮጵያ ንኢትዮጵያ ብንቕሓት ንምሕላው ካብ ማንም እዋን ንላዕሊ ኣብ ልዑል ደረጃ ምድላው ይርከብ – ሌ/ጀኔራል ይልማ መርዳሳ

ኣዲስ ኣበባ፣ 19 ግንቦት፣ 2014 (ኤፍ ቢ ሲ)ሓይሊ ኣየር ኢትዮጵያ ንኢትዮጵያ ብንቕሓት ንምሕላው ካብ ማንም እዋን ንላዕሊ ኣብ ልዑል ደረጃ ምድላው ከምዝርከብ ዋና ኣዛዚ እቲ ሓይሊ ኣየር ሌተናልን ጀኔራል ይልማ መርዳሳ ገሊፆም።

እቲ ሓይሊ ኣየር ብኤር ፖሊስ ዘሰልጠኖም ኣባላት ሰራዊት ሎሚ መዓልቲ ኣመሪቑ፡፡

ዋና ኣዛዚ ሓይሊ ኣየር ሌተናል ጀኔራል ይልማ መርዳሳ ኣብ መርሃ ግብሪ እቲ ምርቓት ኣብ ዘስምዑዎ መደረ፥ “መፈልፈሊ ጀጋኑ ናብ ዝኾነን ኩሉ ግዘ ጅግንነት ዘይፍለዮን ሓይሊ ኣየር ብምፅምባርኩም ክትኮርዑ ይግባእ” ኢሎም።

ሓይሊ ኣየር ኢትዮጵያ ኣብዚ ሕዚ እዋን ስራሕቲ ሪፎርም ብምስላጥ ኢሉ እውን ብዘበናዊ ዕጥቂታትን ዝተምሃረ ሓይሊ ሰብን ንባዕሉ እናዋደደን እናዘመነን ከምዝርከብ ተዛሪቦም፡፡

ኢትዮጵያ ካብ ዝኾነ ይኹ ናይ ውሽጢ ይኹን ናይ ወፃኢ ፀላኢ ንምሕላው ሓይሊ ኣየር ኢትዮጵያ ኣብ ዝለዓለ ብርኪ ምድላው ከምዝርከብ ምርግጋፆም ካብ ሰራዊት ምክልኻል ዝረኸብናዮ ሓበሬታ የረድእ፡፡