ሎሚ ዝካየድ መበል 20 ሰሙን መርሃ ግብሪታት ፕሪሚየር ሊግ እንግሊዝ 7 ጋንታታት ከራኽብ ኢዩ

ኣዲስ ኣበባ፣ 26 ታሕሳስ፣ 2017 (ኤፍ ኤም ሲ)ሎሚ መዓልቲ ሰዓት 09:30  ቶተንሃም ምስ ኒውካስትል ብዝገብርኡ ፀወታ ዝፍልም መበል 20 ሰሙን መርሃ ግብሪታት ፕሪሚየር ሊግ እንግሊዝ ብድምር ሸውዓታ ጋንታታት ከራኽብ ኢዩ።

በርንማውዝ ምስ ኤቨርተን፣ ኣስቶንቪላ ምሰ ሌስተር ሲቲ፣ ክሪስታል ፓላስ ምስ ቼልሲ፣  ማንቸስተር ሲቲ ምስ ዌስትሃም፣ ሳውዝሃምፕተን ምስ ብሬንትፎርድ ኣብ ተመሳሳሊ ሰዓት 12 ክጋጠማ  ኢየን።

ብራይተን ምስ ኣርሰናል ድማ ሰዓት 2፡30 ምሸት ከምዝራኸባ እቲ ዝወፅአ መርሃ ገብሪ ይሕብር።

ፕሪሚየር ሊግ እንግሊዝ ክሳብ ሐዚ ብዝተገበሩ ፀወታታት ሊቨርፑል 45 ነጥብታት ብምውህላል ይመርሖ ኣሎ።

ኣርሴናል ብ39 ነጥቢ፣ ኖቲንግሃም ፎረስት 37፣ ቸልሲ 35 ብምውህላል ብቕደም ሰዓብ ካብ ካልኣይ ክሳብ ራብዓይ ደረጃ ሒዘን ኣለዋ።