ልዕሊ 45 ሚልዮን ሰባት ሃገራት ደቡብ ኣፍሪካ ንህፁፅ ሓገዝ ምግቢ ተቓሊዖም – ውድብ ሕቡራት መንግስታት

ኣብ ሃገራት ደቡብ ኣፍሪካ ኣብዚ ሐዚ እዋን ኣጋጢሙ ብዘሎ ሓደጋ፥ ልዕሊ 45 ሚልዮን ሰባት ንህፁፅ ሓገዝ ምግቢ ከምዝተቓልዑን መብዛሕትኦም ድማ ህፃናትን ደቂ ኣንስትዮን ምዃኖምን ተገሊፁ።

እቲ ሕፅረት ምግቢ ብዋናነት ኣብ ሃገራት ሌሴቶ፣ ማዳጋስካር፣ ማላዊ፣ ሞዚምቢክ፣ ናሚብያ፣ ዛምቢያን ዚምባብዌን ዘጋጠመ ምዃኑ ኢዩ ተባሂሉ።

ትካል ፕሮግራም ምግቢ ዓለም ውድብ ሕቡራት መንግስታት ከምዝገለፆ፥ ኣብቲ ከባቢ ኣጋጢሙ ዘሎ ሕፅረት ምግቢን ጥምየትን ኣብ ታሪኽ እቲ ክፍለ ኣህጉር ዝኸፍአ ምዃኑ ኢዩ።

ነዚ ዘጋጠመ ፀገም ንምፍታሕ ካብ ዘድሊ 489 ሚልዮን ዶላር ኣሜሪካ እቲ 205 ሚልዮን ዶላር ኣሜሪካ ጥራሕ ከምዝተረኸበ እቲ ትካል ኣፍሊጡ።

ፍልፍል፦ www.reuters.com