ልዕሊ 160 ሚሊየን ብር ዝግመት ዋጋ ዘለዎም ኣቑሑት ኮትሮባንድ ተታሒዞም
ኣዲስ ኣበባ፣ 14 ጥቅምቲ፣ 2016 (ኤፍ ቢ ሲ)ልዕሊ 160 ሚሊየን ብር ዝግመት ዋጋ ዘለዎም ኣቑሑት ኮትሮባንድ ከምዝተትሓዙ ፖሊስ ፌዴራል ኢትዮጵያ ኣፍሊጡ።
ካብ ሞንጎ ዝተትሓዙ ኣቑሑት ኮንትሮባንድ÷ ክዳውንቲ፣ መለዋወጢ መኪና፣ ኣቑሑት ገዛ፣ ሓፂነ መፂን፣ ምንፃፋት፣ ሞባይል ቆፎታት፣ ጫማታት፣ መድሃኒታት፣ ቆርቆሮ፣ ሽቶታት፣ ደፍተራት፣ ቸንዳ መከላኸሊ ዝናብን ምስማራትን ከምዝርከቡዎም ተገሊፁ፡፡
ካብዚ ብተወሳኺ ማሽናት መሰንከቲ ባኒ፣ መነፅራት፣ ገይፀ መይፂን ዝተፈላለዩ ክሬማት መሕለዊ ፅሬትን ዝፀዓና ተሽከርከርቲ መበገሲአን ሱማሌ ላንድ ብምግባር ናብ ከተማ ድሬዳዋ እናኣተዋ ኣብ ዝነበራሉ እዋን ካብ ሕብረተሰብ ብመሰረት ዝተረኸበ ሓበሬታ ፍሉይ ሽሙ ኣርሙ ካሴ ተባሂሉ ኣብ ዝፅዋዕ ከባቢ ብዝተዋደደ ስራሕ ፌደራል ፖሊስ ኣባላት ፖሊስ ፈጥኖ ደራሽ ምብራቕን ሰራሕተኛታት ጉሙሩኽን ከምዝተትሓዙ ካብ ፖሊስ ፌዴራል ኢትዮጵያ ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com