‘ላዕለዎት ትካላት ትምህርቲ ንለውጢ ድህረ ጎንፂ ኣብ ኢትዮጵያ’ ብዝብል መሪሕ ሓሳብ ልዝብ ይካየድ ኣሎ
ኣዲስ ኣበባ፣ 26 ጥቅምቲ፣ 2016 (ኤፍ ቢ ሲ)‘ላዕለዎት ትካላት ትምህርቲ ንለውጢ ድህረ ጎንፂ ኣብ ኢትዮጵያ’ ብዝብል መሪሕ ሓሳብ ኣብ ከተማ ኣዲስ ኣበባ ልዝብ ይካየድ ኣሎ።
እቲ ዘተ ብቐንዱ ላዕለዎት ትካላት ትምህርቲ ኲናት ኣብ ዘጋጠመሎም ከባቢታት ሰላም፣ ዕርቂን ማሕበራዊ ምትእስሳርን ብኸመይ ምዕሳል ከምዝኽአርላ ግንዛበ ንምፍጣር ኣብ ግምት ዘእተወ ኢዩ ተባሂሉ፡፡
ካብዚ ብተወሳኺ÷ ማሕበርሰብ እቲ ከባቢ ብልምዓት ንምሕጋዝን ፍልጠቶም ተግባራዊ ክገብሩ ዝኽእሉሉ መገዲ ንምርኣይ ዝዓለመ ከምዝኾነ ተሓቢሩ፡፡
እቲ ዘተ÷ ዩኒቨርሲቲታት መቐለ፣ ወሎን ሰመራን ምስ ስቴት ዩኒቨርሲቲ አሪዞና ኣሜሪካ ብምትሕብባር ኣሰናዲኦምዎ።
ኣብቲ መድረኽ ዘተ ኣመራርሓታት ክልላት ትግራይ፣ ኣምሓራን ዓፋርን ላዕለዎት ኣመራርሓ ፌደራል፣ ምሁራን ላዕለዎት ትካላት ትምህርቲ፣ ዲፕሎማሰኛታትን ተወከልቲ ሲቪክ ማሕበራትን እናተሳተፉ ይርከቡ፡፡
ብኣለምሰገድ ኣሳዬ
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com