ላዕለዎት ሓለፍቲ ስራሕ መንግስቲ መልእኽቲ እንኳ ደስ በለኩም ኣመሓላሊፎም

ኣዲስ ኣበባ፣ 6 ነሓሰ፣ 2014 (ኤፍ ቢ ሲ)ላዕለዎት ሓለፍቲ ስራሕ መንግስቲ ምዝዛም 3ይ ዙር ምምላእ ማይ ዓብዪ ግድብ ህዳሰ ኣመልኪቶም መልእኽቲ እንኳዕ ደስ በለኩም ኣመሓላሊፎም።

ከንቲባ ምምሕዳርከተማ ኣዲስ ኣበባ ኣዳነች ኣቤቤ÷ ኢትዮጵያውያን ዓሌት፣ ሃይማኖት፣ ደረጃ ኢኮኖሚ፣ ኣመለኻኽታ ፖለቲካ እንተይገደቦም ልዑል ዋጋ ዝኸፈሉሉ ኣብ ኣደባባይ ዓለም ብፅንዓት ጠጠው ዝበሉሉ ግድብ ህዳሰ ሳልሳይ ዙር ምልኢት ማይ ብዓወት ምዝዛሙ እንኳዕ ደስ በለና ኢለን፡፡

“እነተተሓጋጊዝና ንኽል ኢና፤ እንተተሓሳሲብና ክነሳልጥ ንኽእል ኢና፤ እነተተደጋጊፍና ዓቐበት ምዕባለ ብሓጎስ ክንወፅእ ኢና” ክብላ ገሊፀን፡፡

ግድብ ህዳሴ ዝኾነ ይኹን ፀገም እንተየሰኮኖ ናብ ዓወት ምብቅዑ ጥንካረን ሕብረትን ህዝቢ ዘርኢ ኢዩ ዝበሉ ድማ ርእሰ ምምሕዳር ክልል ኦሮሚያ ኣይተ ሽመልስ ኣብዲሳ ኢዮም።

ርእሰ ምምሐዳር ሽመልስ ኣብዲሳ÷ ሳልሳይ ዙር ምልኢት ማይ ዓብዪ ግድብ ህዳሰ ብዓወት ምዝዛሙ እንኳዕ ደሽ በለኩም ክብሉ መልእኽቶም ኣመሓላሊፎም።

ርእሰ ምምሕዳር ክልል ኣምሓራ ይልቃል ከፋለ ብግደኦም÷ እቲ ግድብ መንፈስ ኣይከኣልን ብይከኣል ኢዩ ዝቐየርናሉ፤ መግለፂ ምትሕብባርናን ሓድነትናን፤ ብሄራዊ ኩርዓትና፣ መርአዪ ለውጢ ምልዋጥ ምስሊን ከምዝኾነ ብምሕባር ንመላ ኢትዮጵያውያንን ፈተውቲ ኢትዮጵያን መልእኽቲ እንኳዕ ደስ በለኩም ኢሎም፡፡

ርእሰ ምምሕዳር ክልል ቤኒንሻንጉል ኣይተ ኣሻድሊ ሓሰን÷ ሳልሳይ ዙር ምልኢት ማይ ብዓወት ምዝዛሙ ኢትዮጵያውያን እንኳዕ ደስ በለኩም ኢሎም፡፡

ርእሰ ምምህዳር ክልል ሃረሪ ኣይተ ኦርዲን በድሪ ብግደኦም÷ “እንኳዕ ኣርማ ኢትዮጵያዊነትና ኣሰር ሓበራዊ ፃዕርናዝኾነ ዓብዪ ግድብ ህዳሰ ሳልሳይ ዙር ምልኢት ማይ ብዓወት ዝተዛዘመሉ ታሪኻዊ ዕለት ኣብፀሐና” ክብሉ ገሊፆም።

ኣብ መልእኽቶም ድማ ሃገርና ኢትዮጵያ ፈተናታት ብብቕዓት እናሓለፈት ናብ ምዕባለ ዝጀመረቶ ጉዕዞ ከምትቕፅለ እውን ኣብሪሆም።

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com