ሊቨርፑል ምስ ኣስቶንቪላ፣ ማንቼስተር ሲቲ ምስ ብራይተን ዝገብርኡ ፀወታ ልዑል ትፅቢት ተገይሩሉ ኣሎ

ኣዲስ ኣበባ፣ 30 ጥቅምቲ፣ 2017 (ኤፍ ቢ ሲ)ሎሚ ኣብ ዝካየድ መበል 11 ሰሙን ፀወታታት ፕሪሚየር ሊግ እንግሊዝ፥ ሊቨርፑል ምስ ኣስቶንቪላ፣ ማንቼስተር ሲቲ ምስ ብራይተን ዝገብርኡ ፀወታ ልዑል ትፅቢት ተገይሩሉ ኣሎ።

ናይሊ ሊግ መራሒ  ሊቨርፑል ምስ ኣስቶን ቪላ  ዝገብሮ ፀወታ ምሸት ሰዓት  5፡00 ክካየድ ኢዩ።

ኣብ ኣንፊልድ ኣብ ዝግበር ፀወታ ሊቨርፑል መሪሕነቱ ኣጠናኺሩ ንምቕፃል ዝፃወት እንትኸውን፥ ኣስቶንቪላ ደረጅኡ ንምምሕያሽን ካብ ሜዲኡ ወፃእ ነጥቢ ብምሓዝ ንምምላስን ፃዕሩ ከሐይል ኢዩ።

ምሸት ሰዓት 2፡30 ድማ ማንቼስተር ሲቲ ናብ ስታዲየም ኣሜክስ  ብምኻድ ምስ ብራይተን ሆቭ ኣልቢዮን ክጋጠም ኢዩ።

ኣብቲ ፀወታ፥ ሩበን ዲያዝ፣ ኬቨን ዲቡርይና፣ ሮድሪ፣ ጆን ስቶንስ፣ ጃክ ግሪሊሽን ኦስካር ቦብን ብምኽኒያት መጉዳእቲ ካብቲ ፀወታ ወፃእ ከምዝኾኑ ተገሊፁ።

ምሸት ሰዓት 12፡00 ኣብ ዝግበር ፀወታ፥  ብረንትፎርድ ምስ ቦርንማውዝ፣ ክሪስታል ፓላስ ምስ ፉልሃም፣ ዌስትሃም ምስ ኤቨርተን፣ ዎልቭስ ምስ ሳውዝሃፕተን ክፃወቱ ኢዮም።