ህዝበ ሙስሊም ዒድ ሶላት ኣብ ገዝኡ ኮይኑ ንኽሰግድ ላዕለዋይ ቤት ምኽሪ ጉዳያት እስልምና ኣተሓሳሲቡ

ኣብ መልእኽቶም ድማ ህዝቢ ሙስሊም ናይዚ ዓመት በዓል ዒድ ቫይረስ ኮሮና ኣብ ዝተርኣየሉ እዋን ዝኽበር ብምዃኑ፥ እቲ ለበዳ ሕማም ከይላበድ ጥንቃቐ ክገብር ይግባእ ኢሎም።

ስለዝኾነ ድማ ኩሉ ማሕበረሰብ ሙስሉም፥ ዒድ ሶላት ኣብ ገዝኡ ኮይኑ ንኽሰግድ ኣተሓሳሲቦም።

እቲ በዓል እንትኽበር እውን ንዝተፀገሙ ሰባት ብምሕጋዝ፣ ብምትሕግጋዝን ብምትሕዝዛንን ከምኡ እውን ሓድነት ብዘጠናኽር መልክዑ ክኸውን ከምዝግባእ ኣገንዚቦም።

መበል 1 ሺሕን 441 በዓል ዒድ ኣል ፈጥር፥ ሎሚ መዓልቲ ምሸት ወርሒ እንተተራኢያ ፅባሕ ቀዳም፤ እንድሕር ዘይተራኢያ ድማ ሰንበት ተኸቢሩ ዝውዕል ምዃኑ ገሊፆም።

እቶም ፕሪዚዳንት፥ “ንመላእ ተኸተልቲ እምነት እስልምና እንኳዕ 1 ሺሕን 441 በዓል ዒድ ኣል ፈጥር ኣብፀሐኩም” ኢሎም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana