RW Dr.Abiy Axmed oo gaadhay Asmara

Addis Ababa Jul 18,2020 (Hamle 11,2012 T.I) (FBC/SOMALI)-Ra’iisel wasaaraha Itoobiya Dr Abiy Axmed ayaa subaxnimadii hore ee saaka Gaadhay Magaalada Asmara ee dalka Eritareeya halkaas oo uu ku tagay safar shaqo.

Madaxweyne Isaias Afwerki ayaa si diiran ugu soo dhoweeyay Ra’iisul Wasaaraha iyo wafdigiisa markii ay ka dageen garoonka diyaaradaha caalamiga ah ee Asmara.

Labada hoggaamiye ayaa ka wada hadli doona xoojinta xidhiidhka laba geesoodka ee ka dhexeeya labada dal iyo sidoo kale xoojinta iskaashiga gobolka.

Sida uu sheegay Yemane Gebremeskel, Wasiirka Warfaafinta ee Ereteriya, Raiisul Wasaaraha waxa safarkiisan ku wehelinayay Wasiiru dawle ,Danjire Redwan Hussein iyo Afhayeenka baarlamaanka Tagesse Chaffo.

Madaxweynaha Ereteriya ayaa hore booqasho rasmi ah oo saddex maalmood ah ku yimi dalkan Itoobiya bishii May ee sanadkan.

Intii lagu jiray booqashadana, labada hoggaamiye waxay yeesheen wadahadallo ballaadhan oo ku saabsan arrimaha xidhiidhka laba geesoodka ah, arrimaha gobolka, dagaalka ka dhanka ah feyraska COVId-19 ,saamaynta beeraha ee Ayaxa , iyo arrimo kale.