Dalkan Itoobiya oo diiwaangeliyay 179 kiis oo feyraska koroona ah iyo 50 bogsasho.
Addis Ababa june 14,2020 (Senee 07,2012 T.I) (FBC/SOMALI)-Iyada oo maalinba maalinta ka dambaysa ay tirada kiisaska feyrasku sii kacayaan dalkan Itoobiya, baadhitaannadii la sameeyay 24 kii saacadood ee la soo dhaafay waxa feyraska koroona laga helay 179 qof ,kuwaas oo tirada guud ee uu xanuunku haleelay ka dhigtay 3,345.
Dadkaas laga helay xanuunka covid-19 maanta 116 waa lab halka 63 ka kalena yihiin haween islamarkaana waxa ay da’doodu u dhaxaysaysaa 2 ilaa 80 jir.
Dhammaan bukaannadaas laga helay feyraska waa muwaadiniin dalkan Itoobiya u dhalatay marka laga reebo saddex qof oo shisheeye ah.
Dhanka dhimashada waxa maanta feyraska u geeriyooday laba qof oo kale,kuwaas Tirada guud ee xanuunka u geeriyootay ka dhigay 57 ruux.
Dhanka kale waxa feyraska kasoo caafimaaday 24 kii saacadood ee la soo 50 qof oo kale ,kuwaas tirada guud ee xanuunka ka bogsatay ka dhigaya 545.