Tartan orod ah oo lagu taageerayay Ciidanka difaaca Qaranka Itoobiya oo jigjiga ka dhacay
Addis Ababa,Aug 29,2021 (Nehase 23,2013 T.I (FBC/SOMALI)-Tartan orod oo ah masaafo dhan 5 km oo lagu taageerayey ciidanka qaranka dalka ayaa saaka ka qabsoomay waddada Aayar-dega ee magaalada Jig-jiga.
Orodkan oo uu hal-ku-dheg u ahaa “waannu bar-bar-taagan nahay ciidanka” ayaa waxaa ka qeyb-galay ku-dhawaad 600 qof oo isugu jiray orodyahannada Deegaanka iyo dad shacab ah.
Tartankan waxaa soo qaban-qaabiyey Xafiiska Dhallinyarada Iyo Ciyaaraha DDS oo kaashanaya Hay’ada Adeegga Lacagaha Yar-yar Ee Deegaanka.
Ujeeddada orodkan ayaa ahayd mid taageero loogu muujinayey ciidanka qaranka, islamarkaana lagu cambaaraynayey ururka argagixisada ah ee TPLF.
Orodkan 5 km waxaa kaalmaha hore ee orodyahannada ragga soo galay;
- Diriiye Sh. Cabdi
- Abraha Qalu
- Yirka Andaewalem
Kalmaha dadka shacabka ah ee ka qeyb-galaya orodka:
- Iskanow Gabyow
- Barkhad Maxammed
- Mustafe Xasan.
Natijaada gabdhaha orodyahannada ah:
- Sennash Tigsistu
- Asma Cismaan
- Tigsit Habtamu.
Xigasho:SRTV Rasmi Page