Giriiga oo hub soo iibsanaya xilli xiisadda ka taagan bada Mediterranean-ka ay mcirka isku isku shareerayso
Ababa Sep 13, 2020 (Maskerem 3,2013 T.I) (FBC/SOMALI)-Xukuumadda Giriiga ayaa ku dhawaaqday in ay hub dheeraad ah soo iibsanayso xilli xiisadda kala dhaxeeysa Turkiga ay cirka isku sii shareerayso.
Hubka ay soo iibsanayaan waxaa ka mid ah 18 ah diyaaradaha dagaalka Faransiisku uu sameeyo ee nooca yaqaano Rafale.
Rai’sul wasaaraha Giriiga Kyriakos Mitsotakis ayaa sheegay in sidoo kale ay soo iibsanayaan 4 Markab oo kuwa dagalka iyo 4 diyaaradood oo ah nooca Helkoptarada ee ay adeegsadaan ciidamada badda.
Ra’iisal wasaraha Giriiga ayaa sidoo kale ku dhawaaqay in uu kordhin doono tirada ciidamada dalkaasi.
“Waxaa la joogaa xilligii la xoojin lahaa ciidamada qalabka sida,” waxaa sidaasi sheegay madaxwaynaha Giriiga Mr Mitsotakis.
Giriiga ayaa sidoo kale qorshaynaya in uu soo iibsado hubka lidka taagiyada iyo gantaalada difaaca cirka.
Xiisadda u dhaxeeysa Turkiga iyo Gariigga ayaa cirka isku sii shareereysay taasi oo ku saabsan Turkiga oo sahmin shidaal ka wada bariga badda Mediterranean-ka.
Xukuumadda Turkiga aya dhawaan Markab Shidaal oo Gaaska ka baadha u dirtay goobo ay ku muransan yihiin Giriiga.
Labadan dal oo ka wada tirsan gaashaanbuurta Nato ayaa waxay labaduba sheeganayan lahaanshiyaha goobaha shidaalka laga baarayo taasi oo sababtay cabsi imika laga qabo in xiisadda ay sii kululaato.
Midowga Yurub oo ay Gariiga xubin ka yihiin ayaa horey ugu baaqay wadaxaajood.
Balse madaxwayanha Fransiiska ayaa dhawaan si kulul uga hadlay xiisadda labada dhinac isaga oo sheegay in waxa ay Turkiga wadaan aan la aqbali Karin.
Sida ay sheegtay wakaalada wararka ee AFP Giriiga ayaa gaashaandhiga ku bixinaya lacagtii ugu badnayd muddo 20 sano ah.
Dhanka kale xoghayaha arrimaha dibadda ee Mareykanka Mike Pompeo ayaa sheegay in dalkiisa uu ka walaacsan yahay howlaha ay Turkiga ay shidaalka iyo Gaaska kaga baarayaan biyaha bariga Mediterranean-ka ee ay jasiiradda Qubrus sheegto in ay leedahay.
Mr Pompeo ayaa waxaa uu ka hadlayay caasimadda Qubrus, Nicosia, halkaasi oo uu wadahadalo kula yeeshay madaxwayne Nicos Anastasiades.
Labada dhinac ayaa waxay ka wadahadleen xiisadda gobolka ee u dhaxeeysa Turkiga, Giriga iyo jasiiradda Qubrus.
BBC