በመዲናዋ ፣ በእስራኤልና በአሜሪካ የሚኖሩ የአማራ ተወላጆችና ወዳጆች ለተፈናቀሉ ወገኖች ድጋፍ አደረጉ

አዲስ አበባ፣ ጥቅምት 9፣ 2014 (ኤፍ ቢ ሲ)በአዲስ አበባ የካ ክፍለ ከተማ፣ በእስራኤልና በአሜሪካ የሚኖሩ የአማራ ተወላጆችና ወዳጆች በሽብርተኛው ትህነግ ተፈናቅለው በደባርቅ ከተማ ለተጠለሉ ወገኖች የምግብና አልባሳት ድጋፍ አድርገዋል፡፡

ድጋፉን ካስረከቡት ተወካዮች መካከል አቶ ደረጀ ሽፈራው ለወገን ደራሽ ወገን ነው በሚል በአሜሪካ፣ በእስራኤል እና በአዲስ አበባ የካ ክፍለ ከተማ ከሚኖሩ የአማራ ተወላጆችና ወዳጆች በሰበሰቡት ከ1 ሚሊየን ብር በላይ የተገዛውን ምግብና አልባሳት ወደ ደባርቅ ማምጣታቸውን ገልጸዋል፡፡