አሸባሪውን ማስወገድ እና ተፈናቃዮችን ወደ ቀያቸው መመለስ ቀዳሚ የመንግስት ሥራ መሆን አለበት – መምህራን

አዲስ አበባ፣ መስከረም 28፣ 2014 (ኤፍ ቢ ሲ) መንግሥት ሽብርተኛው ትህነግን አስወግዶ በግፍ የተፈናቀሉ ዜጎችን በአጭር ጊዜ ወደ ቀያቸው ሊመልስ እንደሚገባ በምዕራብ ጎንደር ዞን ነዋሪ የሆኑ የታሪክ እና የሥነ ዜጋናሥነ ምግባር መምህራን ገለጹ።

የታሪክ መምህር የሆኑት አቶ ጥላሁን አስራት÷ የትላንት አያቶቻችን ኢትዮጵያን ከቅኝ ግዛት ነጻ አውጥተው የአፍሪካ ተምሳሌት ለማድረግ ትልቅ ዋጋ መክፈላቸውን አንስተው፣ በወቅቱ ባንዳዎች ደግሞ ጣሊያን ኢትዮጵያን እንድትገዛ አብረው በመሰለፍ ተባብረው ነበር ብለዋል፡፡