ተፈናቃዮችን በዘላቂነት ለማቋቋም ከሀገር መከላከያ ሰራዊት ጋር እየተሰራ ነው -የደባርቅ ከተማ ከንቲባ

ከአሸባሪው እና ከዘራፊው የህውሀት ቡድን ጥቃት ለመዳን ቁጥራቸው በርካታ የሆኑ ተፈናቃዮች በደባርቅ ከተማ በሚገኙ ትምህርት ቤቶች ተጠልለው እንደሚገኙ የደባርቅ ከተማ ከንቲባ አቶ ሠለሞን ተዘራ ተናግረዋል።

አሸባሪው የህውሀት ቡድን በጀግናው የሀገር መከላከያ ሠራዊታችን ተመቶ ከመበታተኑ በፊት በዛሪማ በሚገኙ ትምህርት ቤቶች እና ማህበራዊ አገልግሎት ሰጪ ተቋማት ላይ ጥቃት አድርሷል ብለዋል።

በዛሪማ እና በሌሎች አካባቢዎች ተፈናቅለው በደባርቅ ከተማ ለሚገኙ ተፈናቃዮች በዘላቂነት ለማቋቋም እና በአስተማማኝ ሠላም ውስጥ ሆነው ወደ መኖሪያ ቀያቸው እንዲመለሱ ከሀገር መከላከያ ሠራዊት ጋር በጋራ እየተሰራ መሆኑንም ተናግረዋል።

የሀገራችን ጠላት የሆነውን አሸባሪው የህውሀት ቡድን ሙሉ በሙሉ እስኪደመሰስ ድረስ እንደ ከዚህ ቀደሙ በደባርቅ ከተማ የሚገኙ ነዋሪዎች ከጀግናው የሀገር መከላከያ ሠራዊት ጎን ይቆማሉ ማለታቸዉን ከሀገር መከላከያ ሰራዊት የፌስ ቡክ ገጽ ያገኘነው መረጃ ያመለክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን