ከ1 እስከ 6 አመት የትራፊክ አደጋ ላላደረሱ የአውቶቡስ አሽከርካሪዎች ልዩ ሽልማት ተበረከተ

በሥነ-ሥርዓቱ ላይ ንግግር ያደረጉት የፐብሊክ ሰርቪስ አገልግሎት ድርጅት ዳይሬክተር ወ/ሮ ፍሬ ህይወት ትልቁ ድርጅታቸው በ2013 ዓ.ም 430 ተሽከርካሪዎች በመመደብ በቀን ከ100 ሺህ በላይ ለሚሆኑ ተጠቃሚዎች አገልግሎት መስጠት መቻሉን አብራርተዋል፡፡

አገልግሎት መስጠት ብቻም ሳይሆን አገልግሎቱ ከአደጋ የፀዳ እንዲሆን የተሰጣቸውን ስልጠና ወደ ተግባር በመቀየር እየደረሰ ያለውን የመንገድ ላይ የትራፊክ አደጋ ለመከላከል የበቁ አሽከርካሪዎችን ማበረታታት በአርዓያነቱ የሚገለፅ ተግባር ነው ብለዋል፡፡

ድርጅታቸው ህግ አክባሪ አሽከርካሪዎችን ከማፍራት እና ከማበረታታት ጀምሮ በርካታ ጥረቶችን ማድረግ የተቻለ በመሆኑ በሀገር አቀፍ ደረጃ ለ 8ኛ ጊዜ የኢትዮጵያ ጥራት ሽልማት ድርጅት ባካሄደው ውድድር የዋንጫ ተሸላሚ መሆን በመቻላቸው ለዚህ ሽልማት ለበቁ 223 የአውቶቡስ አሽከርካሪዎች ከሰርተፍኬት ጀምሮ የተለያዩ ሽልማቶች ተበርክቶላቸዋል ብለዋል።

እውቅና የተሰጣቸው የድርጅቱ የአውቶቡስ አሽከርካሪዎች ፥በሰጡን አስተያየት በመልካም የሰራው ውጤት የሠራን ማበረታታት ነገ በሀላፊነት የትራፊክ አደጋን ተከላከሎ የሚያሽከርከር አሽከርካሪን ለመፍጠር ትልቅ ሚና እንዳለው ገልጸው

የመንገድ ትራፊክ አደጋ እያደረስ ያለውን ዘርፈ ብዙ ጉዳት ለመቀነስ የበኩላቸውን ሀላፊነት ለመወጣት የበለጠ እንደሚተጉ መናገራቸውን ከአዲስ አበባ ፖሊስ ኮሚሽን ያገኘነው መረጃ ያመለክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!