የሰላም ሚኒስቴር የመስኖ ውኃ መሳቢያ ፓምፕ ጄኔሬተሮችን ለጋምቤላ ክልል አበረከተ

የሰላም ሚኒስቴር የፌዴራሊዝምና አርብቶ አደር ጉዳዮች ዘርፍ ሚኒስትር ዴኤታ ዶክተር ስዩም መስፍን፥ ልማት የሰላም አካል በመሆኑና ጋምቤላ ክልል ሰፊ የሆነ እምቅ የተፈጥሮ ሃብት በመኖሩ ሚኒስቴሩ የመስኖ ውሃ መሳቢያ ፓምፖ ጄኔሬተሮች ማበርከቱን ገልጸዋል።

እነዚህ ውሃ መሳቢያ ፓምፖ ጄኔሬተሮች ከልማት ባለፈ ለወጣቶች የስራ እድል ለመፍጠር ትልቅ አቅም ያላቸው መሆኑንም ተናግረዋል።

ሚኒስትር ዴኤታው አያይዘውም በቀጣይም እነዚህን ጀኔሬተሮች ስራ ላይ ለማዋል ከሚለከታቸው አካላት ጋር በመሆን ስልጠናዎች እንደሚሰጡ እና ምን ያህል በስራ ላይ ውለዋል የሚለውም በሚኒስቴር መስሪያ ቤቱ ክትትል እንደሚደረግ ገልጸዋል።

የጋምቤላ ክልል የእርሻና ተፈጥሮ ሃብት ልማት ቢሮ ኋላፊ አቶ ኡጁሉ ሉዋል በበኩላቸው፥ በክልሉ ዓመቱን ሙሉ የሚፈሱ ወንዞች የሚገኙበት አካባቢ እንደመሆኑ የተበረከቱልን የእርሻ መሳሪያዎች የክልሉን ልማት ለማፋጠን ትልቅ አስተዋኦ አለው ብለዋል።

ሚኒስቴር መስሪያቤቱ ለክልሉ ላበረከተው ድጋፍም ማመስገናቸውን ከሚኒስቴሩ ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!