በፕሪሚየር ሊጉ ፋሲል ከነማና ሰበታ ከተማ ድል ቀናቸው

አዲስ አበባ ፣ ጥር 25 ፣ 2012 (ኤፍ ቢ ሲ) የኢትዮጵያ ፕሪሚየር ሊግ ሁለት ጨዋታዎች በዛሬው ዕለት ተካሂደዋል።

ጎንደር ላይ ፋሲል ከነማን ከወልዋሎ አዲግራት ዩኒቨርሲቲ ያገናኘው ጨዋታ በፋሲል ከነማ 1 ለ 0 አሸናፊነት ተጠናቋል።

የፋሲል ከነማን የማሸነፊያ ጎል የፕሪሚየር ሊጉን ኮኮብ አግቢነት እየመራ የሚገኘው ሙጅብ ቃሲም በ24ኛው ደቂቃ ላይ አስቆጥሯል።

ሰበታ ከተማ ከሀድያ ሆሳዕና ያደረጉት ሌላኛው ጨዋታ ደግሞ በሰበታ ከተማ 2 ለ 1 አሸናፊነት ተጠናቋል።

የሰበታን የማሸነፊያ ግቦች ባኑ ዲያዋራ በ7ኛው ደቂቃ እና ፍፁም ገብረማርያም በ81ኛው ደቂቃ ላይ ሲያስቆጥሩ የሀድያ ሆሳዕናን ብቸኛ ግብ ቢስማርክ አፒያ 32ኛው ደቂቃ ላይ አስቆጥሯል።