በአጣዬና አካባቢው በነበረው ግጭት ጉዳት የደረሰባቸውን ዜጎች መልሶ የማቋቋም ስራ እየተሰራ ነው

አዲስ አበባ፣ ጳጉሜ 2፣ 2013(ኤፍ ቢ ሲ) በአጣዬ እና አካባቢው በነበረው ግጭት ጉዳት የደረሰባቸውን ዜጎች መልሶ የማቋቋም ስራ እየተሰራ መሆኑን የኢኖቬሽንና ቴክኖሎጂ ሚኒስትር ዲኤታ ዶክተር አህመዲን መሃመድ ገለፁ፡፡

በዛሬው እለት በአጣዬ ከተማ ቤት ንብረታቸው ለወደመባቸው ነዋሪዎች በተለያዩ አካላት የተገነቡ ጊዜያዊ መጠለያ ቤቶችን ዶክተር አህመዲን መሃመድ፣ የአጣዬና አካባቢው ኮማንድ ፖስት አስተባባሪ ሌተናል ጀነራል ደስታ አብቼ፣ የአማራ ክልል ንግድና ኢንደስትሪ ቢሮ ኃላፊ አቶ ግርማ የሺጥላ፣ የሰሜን ሸዋ ዞን አስተዳዳሪ አቶ ታደሰ ገብረፃዲቅ፣ የአጣዬ ከተማ ከንቲባ አቶ አገኘሁ መክቴ አስረክበዋል።