አዲስ አበባ፣ ነሐሴ 26፣ 2013(ኤፍ ቢ ሲ) ሐረማያ ዩኒቨርሲቲ በሰመራ ዩኒቨርሲቲ አካባቢ ለተጠለሉ ወገኖች ከ1 ነጥብ 6 ሚሊየን ብር በላይ የሚያወጡ የምግብና የቁሳቁስ ድጋፍ መላኩን አስታወቀ።
የዩኒቨርሲቲው የህዝብና ዓለም አቀፍ ግንኙነት ዳይሬክተር አቶ አለምሸት ተሾመ እንደገለጹት÷ ከተለያዩ የአፋር ክልል አካባቢዎች አሸባሪው የህወሓት ቡድን በከፈተው ጦርነት ምክንያት ከቤት ንብረታቸው ተፈናቅለው በሰመራ ዩኒቨርሲቲ ለተጠለሉ ዜጎች ነው ድጋፉ የተደረገው።
ድጋፉ 150 ፍራሽ ፣ 200 ብርድ ልብስ ፣ 200 ጥንድ አንሶላ፣ ባለ 20 ሊትር 100 ጀሪካን የምግብ ዘይት ፣ ባለ 25 ኪሎ 70 ከረጢት ሩዝ ፣ ባለ 25 ኪሎ 70 ከረጢት መኮረኒ፣ 50 ካርቶን ፓስታ እና በዩኒቨርሲቲው የተመረተ ባለ 5 ሊትር 100 ጀሪካን ፈሳሽ ሳሙና ነው።
ሐረማያ ዩኒቨርሲቲ ከሁለት ሳምንት በፊት ከወሎ የተለያዩ አካባቢዎች በጥፋት ቡድኑ ጉዳት ደርሶባቸውና ከቤት ንብረታቸው ተፈናቅለው በወሎ ዩኒቨርሲቲ ውስጥ ተጠልለው ለሚገኙ ዜጎች ከ1 ነጥብ 6 ሚሊየን ብር በላይ የሚያወጡ የምግብና የቁሳቁስ ድጋፍ በስፍራው ተገኝቶ ማስረከቡን አስታውሰዋል።
በተሾመ ኃይሉ
ወቅታዊ፣ትኩስ እና የተሟሉ መረጃዎችን ለማግኘት፡- ድረ ገጽ፦ https://www.fanabc.com/ ፌስቡክ፡- https://www.facebook.com/fanabroadcasting ዩትዩብ፦ https://www.youtube.com/c/fanabroadcastingcorporate/ ቴሌግራም፦ https://t.me/fanatelevision ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!