አዲስ አበባ ፣ ነሐሴ 25 ፣ 2013 (ኤፍ ቢ ሲ) ከ200 በላይ ሰርጎ ገቦችን በቁጥጥር ስር በማዋል ተጨማሪ የማጣራት ስራ እየሠራ መሆኑን የደቡብ ወሎ ዞን አስተዳደር ገለፀ።
የዞኑ ምክትል አስተዳዳሪ አቶ ሰይፍ ሰይድ ከጣቢያችን ጋር በነበራቸው ቆይታ እንደተናገሩት፥ ተጠርጣሪ ሰርጎ ገቦቹ በቁጥጥር ስር የዋሉት በፀጥታ መዋቅሩ እና በማህበረሰቡ የተቀናጀ ጥረት ነው ብለዋል።
ዞኑን ከሰርጎ ገቦች እና ከሚያስከትሉት ሁለንተናዊ ችግር ለመከላከል የተፈጠሩ አደረጃጀቶችን ወደ ማህበረሰቡ በማውረድ የአካባቢ ጥበቃ ስራው የተጠናከረ እንዲሆን እየተሰራ መሆኑንም ተናግረዋል።
የጁንታውን የበሬ ወለደ ወሬ ከመስማት በመራቅ ማህበረሰቡ አካባቢውን በመጠበቅ የተበታተነውን የጠላት ኃይል ለመጠራረግ የሚደረገውን ዘመቻ በቻለው ሁሉ እንዲያግዝም ጥሪ ቀርቧል።
በእሸቱ ወ/ሚካኤል
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!