አዲስ አበባ፣ ነሃሴ 7፣2013 (ኤፍ ቢ ሲ) ለመንግሥትና ለሀገር መከላከያ ሰራዊት ድጋፍ የሚሆን ማህበረሰብ አቀፍ ስፖርታዊ እንቅስቃሴ በደቡብ ክልል እንደሚከናወን ተገለፀ።
የክልሉ ስፖርት ኮሚሽን ኮሚሽነር አቶ የሺዋስ አለሙ ፥ መንግስት በትግራይ ክልል ህግን ለማስከበር እያደረገ ላለው ተግባር ለመንግሥትና ለሀገር መከላከያ ሰራዊት ድጋፍ የሚሆን ማህበረሰብ አቀፍ ስፖርታዊ እንቅስቃሴን ጨምሮ የደም ልገሳ እና የገንዘብ ድጋፍ በክልሉ የተለያዩ አካባቢዎች ይከናወናሉ፡፡
የድጋፉ መርሃ ግብር በጋሞ እና ስልጤ ዞን ከፍተኛ የስራ ኃላፊዎች እና የተለያዩ የህብረተሰብ ክፍሎች በተገኙበት በመጭው ነሀሴ 9/2013 ዓ.ም ይካሄዳል ተብሏል፡፡
በተመሳሳይ በወላይታ፣ በዳውሮ ዞኖችና በየም ልዩ ወረዳና በሌሎችም አካባቢዎችም ይከናወናል ነው የተባለው ።
በመርሃ ግብሩ ለመንግሥትና ለሀገር መከላከያ ሰራዊት ከፍተኛ ድጋፍ ይገኛል ተብሎ እንደሚጠበቅ ከደቡብ ክልል የመንግሥት ኮሚዩኒኬሽን ጉዳዮች ጽሕፈት ቤት ያገኘነው መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!