በተባበሩት ዓረብ ኢሚሬትስ ከቻይና በመጡ የቤተሰብ አባላት ላይ የኮሮና ቫይረስ ተገኘ

አዲስ አበባ፣ ጥር 20፣ 2012 (ኤፍ.ቢ.ሲ) በተባበሩት ዓረብ ኢሚሬትስ ከቻይና በመጡ የቤተሰብ አባላት ላይ የኮሮና ቫይረስ መገኘቱን የሀገሪቱ የጤና ጥበቃ ሚኒስቴር አስታወቀ።

በቫይረሱ ተይዘዋል የተባሉት የቤተሰብ አባላት የሕክምና ክትትል እየተደረገላቸው መሆኑን ሚኒስቴሩ በሰጠው መግለጫ አስታውቋል።

ሚኒስቴሩ በቫይረሱ ምን ያህል ሰዎች እንደተያዙ ግን ያለው ነገር የለም።

በቫይረሱ ተጠቅተዋል የተባሉ ሰዎች በጥሩ ሁኔታ እና ክትትል ላይ ይገኛሉም ነው የተባለው።

በቻይና ውሃን በተቀሰቀሰው ኮሮና ቫይረስ እስካሁን 132 ሰዎች ለህልፈት ሲዳረጉ፥ ወደ 6 ሺህ የሚሆኑ ሰዎች ደግሞ በቫይረሱ መጠቃታቸውን መረጃዎች ያመላክታሉ።

ቫይረሱ ከቻይና ውጭ በታይላንድ፣ ፈረንሣይ፣ አሜሪካ እና አውስትራሊያን ጨምሮ በ16 ሃገራት መከሰቱም ተረጋግጧል።

ምንጭ፦ ሬውተርስ