የሀገር ግንባታ ሂደት የማያልቅ ከትውልድ ትውልድ በቅብብሎሽ የሚሰራ ነው – ወ/ሮ ሙፈሪሃት ካሚል

በመዝጊያ ስነ ስርዓቱ ላይ የሰላም ሚኒስትሯ ወይዘሮ ሙፈሪሃት ካሚል ተገኝተው ለተማሪዎች የህይወት ልምዳቸውንና መልዕክት አስተላልፈዋል።

ሚኒስትሯ በወቅቱም ሀገር በዜጎች ልቦና ውስጥ ነው የምትሰራው፣ የሀገር ግንባታ ሂደት የማያልቅ ከትውልድ ትውልድ በቅብብሎሽ የሚሰራ ነው ብለዋል።

ዩኒቨርሲቲዎች የዕውቀት ጅረት የሚፈስባቸው ቦታዎች ናቸው ያሉት ሚኒስትሯ÷ ተማሪዎች ችግሮች ሲያጋጥሟቸው ቆም ብለው በውይይትና በድርድር የመፍታት ባህልን ማሳደግ እንደሚኖርባቸው አሳስበዋል።

ሰው መርጦ ባልተወለደበት ብሔርና ማንነት ሊጣላና ሊባላ አይገባም ያሉት ወይዘሮ ሙፈሪሃት÷ የችግሮች መነሻ አለመተዋወቅ በመሆኑ ተማሪዎች እርስ በርሳቸው ሊተዋወቁ እንደሚገባ አንስተዋል፡፡

የሰላም ሚኒስቴር በመላው ሀገሪቱ የሚገኙ ወጣቶችንና ተማሪዎችን በቅርበት የሚያገኝበትን መንገድ እያመቻቸ እና በቅርበት እየሰራ እንደሚገኝ ከሚኒስቴሩ ያገኘኘው መረጃ ያመላክታል።

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።