የከተማ አስተዳደሩ አመራሮች ኑሮአቸውን በጎዳና ላይ ላደረጉ ዜጎች ማዕድ አጋሩ

በጊዜያዊነት በጎዳና ላይ የወደቁት ወገች ብዙ ህልምና አቅም እንዳላቸው ተረድቶ ለእነርሱም አዲስ የተስፋ ብርሃን እንዲወጣላቸው እና ህይወታቸው በዘላቂነት እንዲቀየር ሁላችንም ትኩረት ሰጥተን፣ ተባብረንና ተቀናጅተን መስራት አለብን ብለዋል ምክትል ከንቲባ ወይዘሮ አዳነች አቤቤ።

ሁሉም የከተማዋ ማህበረሰብ የመደጋገፍ እና የመረዳዳት ባህሉን አጠናክሮ ሊቀጥል እንደሚገባም መግለፃቸውን ከአዲስ አበባ ፕሬስ ሴክሬታሪያት ያገኘነው መረጃ ያመለክታል።

የማዕድ ማጋራቱን ለደገፉት እና ላስተባበሩት የአዲስ አበባ ካቶሊካዊይት ሰበካ ሐዋሪያዊ ጽህፈት ቤት እና የቦስኮ ልጆች ድራማ ቡድንን በከተማ አስተዳደሩ ስም አመስግነዋል ።