አዲስ አበባ፣ ሃምሌ 27፣ 2012(ኤፍ ቢ ሲ) ቻይና የኮሮና ቫይረስ የህክምና ቡድን ወደ ሆንግ ኮንግ ላከች፡፡
የህክምና ቡድኑ 60 ዓባላትን የያዘ ሲሆን 7 የጤና ባለስልጣናትም ተካተውበታል፡፡
ቻይና ወደ ሆንግ ኮንግ ከኮሮና ቫይረስ ወረርሽኝ በኋላ የህክምና ባለሙያ ቡድን ስትልክ ይህ የመጀመሪያዋ ነው ተብሏል፡፡
የህክምና ባለሙያዎች ወደ ሆንግ ኮንግ የተጓዙት የኮሮና ቫይረስ መስፋፋቱን ተከትሎ እንደሆነው ተነግሯል።
ነገር ግን አንዳንድ የአካባቢው የምክር ቤት አባላት በዚህ አጋጣሚ ቻይና ግለሰቦችን ለመከታተል የዲ ኤን ኤ ናሙናዎችን ልትሰበስብ ትችላለች የሚል ስጋት እንዳላቸው ተነግሯል፡፡
የሆንግ ኮንግ መንግስት ግን ይህን ውድቅ አድርጎታል፡፡
በሃገሪቱ አሁን ላይ 3 ሺህ 512 ሰዎች በቫይረሱ ሲያዙ 37 ሰዎች ደግሞ ለህልፈት ተዳርገዋል፡፡
ምንጭ፡-ቢቢሲ
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዘናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።