ኮሚሽነር ጀነራል ደመላሽ ከደቡብ ሱዳን ሪፐብሊክ ብሔራዊ ፖሊስ አገልግሎት ኢንስፔክተር ጀነራል አተም ማሮል ጋር ተወያዩ

አዲስ አበባ፣ ሕዳር 18፣ 2017 (ኤፍ ቢ ሲ) የኢትዮጵያ ፌደራል ፖሊስ ኮሚሽነር ጀነራል ደመላሽ ከደቡብ ሱዳን ሪፐብሊክ ብሔራዊ ፖሊስ አገልግሎት ኢንስፔክተር ጀነራል አተም ማሮል ጋር ተወያይተዋል፡፡

ሁለቱ ወገኖች በውይይቱ ወቅት በሁለቱ ተቋማት መካከል በፈረንጆቹ መጋቢት 2021 የተፈረመውን የመግባቢያ ስምምነት አተገባበር ገምግመዋል።

በስምምነቱ መሠረት ድንበር ተሻጋሪ ወንጀልን በመከላከል፣ በተፈላጊ ወንጀለኛ ልውውጥ፣ በአቅም ግንባታ እና በፖሊስ ሪፎርም ዙሪያ የልምድ ልውውጥ ስራዎችን በቀጣይ የበለጠ ለማጠናከር ተስማምተዋል።

በተጨማሪም ኮሚሽነር ጀነራል ደመላሽ ከደቡብ ሱዳን የሀገር ውስጥ ጉዳይ ሚኒስትር አንጀሊና ጄኒ ቴኒ ጋር መወያየታቸውን የፌደራል ፖሊስ መረጃ አመላክቷል፡፡