ብልጽግና ፓርቲ በፈተና ዉስጥ በርካታ ስኬቶችን ያስመዘገበ ነው – አቶ ጥላሁን ከበደ

አዲስ አበባ፣ ሕዳር 17፣ 2017 (ኤፍ ቢ ሲ) ብልጽግና ፓርቲ በፈተና ዉስጥ በርካታ ስኬቶችን ያስመዘገበ ፓርቲ ነው ሲሉ የደቡብ ኢትዮጵያ ክልል ርዕሰ መስተዳድርና የፓርቲው የስራ አስፈፃሚ አባል አቶ ጥላሁን ከበደ ገለጹ፡፡

የብልጽግና ፓርቲ 5ኛ አመት የምስረታ በዓል በወላይታ ሶዶ ከተማ በክልል ደረጃ ሲከበር አቶ ጥላሁን ከበደ እንደገለጹት÷ የብልጽግና ፓርቲ ባለፉት አምስት ዓመታት በፈተናዎች መካከል በርካታ ስኬቶችን አስመዝግቧል።

ፓርቲው ከተመሠረተ ጀምሮ መጠነ ሰፊ የሪፎርም ሂደት ውስጥ የሚገኝና ዓይነተ ብዙ ዕምርታ በፖለቲካው፣ በኢኮኖሚው፣ በማህበራዊና በዲፕሎማሲው ዘርፎች እያስመዘገበ ያለ ትልቅ ሀገራዊ ፓርቲ ነው ብለዋል።

የክልሉ የብልጽግና ፓርቲ ጽ/ቤት ኃላፊ አቶ አለማየሁ ባውዲ በበኩላቸው÷ የብልጽግና ፓርቲ ባለፉት አምስት ዓመታት ለህዝቡ የገባውን ቃል በተግባር እየፈፀመ የመጣ ፓርቲ ነዉ ሲሉ ገልጸዋል።

ፓርቲው ሀገርን መምራት ከጀመረበት ወዲህ የመለያየት ፖለቲካ በማስቀረት እና ህብረ ብሄራዊ አንድነት በማጎልበት በህዝቦች መካከል የወንድማማችነት እሴት እንዲጎለብትና ፍትሃዊ ተጠቃሚነት እንዲሰፋ በርካታ ሥራዎች መሠራቱን ገልጸዋል።

በማስተዋል አሰፋ