በፕሪሚየር ሊጉ ሃድያ ሆሳዕና ኢትዮጵያ ቡናን ሲያሸንፍ ኢትዮ ኤሌክትሪክና መቻል አቻ ተለያይተዋል

አዲስ አበባ፣ ሕዳር 16፣ 2017 (ኤፍ ቢ ሲ) በ8ኛ ሳምንት የኢትዮጵያ ፕሪሚየር ሊግ ሃድያ ሆሳዕና ኢትዮጵያ ቡናን ሲያሸንፍ ኢትዮ ኤሌክትሪክ እና መቻል አቻ ተለያይተዋል፡፡

ቀን 10 ሰዓት ላይ ከኢትዮጵያ ቡና ጋር ጨዋታውን ያደረገው ሃድያ ሆሳዕና በተመስገን ብርሃኑ ብቸኛ ግብ 1 ለ 0 በሆነ ውጤት አሸንፏል፡፡

ምሽት 1 ሰዓት ላይ የተደረገው የኢትዮ ኤሌክትሪክ እና መቻል ጨዋታ ደግሞ አንድ አቻ በሆነ ውጤት ተጠናቅቋል፡፡

ኢትዮ ኤሌክትሪክ በናትናኤል ገብረ ጊዮርጊስ ግብ ሲመራ ቢቆይም ምንይሉ ወንድሙ በተጨማሪ ሰዓት የፍፁም ቅጣት ምት አስቆጥሮ መቻልን አቻ አድርጓል፡፡