በሉቱኒያ በደረሰ የጀት መከሰከስ አደጋ የሰው ሕይዎት አለፈ

አዲስ አበባ፣ ሕዳር 16፣ 2017 (ኤፍ ቢ ሲ) በሉቱኒያ በደረሰ የጀት መከሰከስ አደጋ የአንድ ሰው ሕይዎት ሲያልፍ በሦስት ሰዎች ላይ ጉዳት መድረሱ ተሰምቷል፡፡

ቦይንግ 737-400 የጭነት ጀት ከጀርመኗ ሌፕዚሽ ከተማ ተነስቶ ሉቲኒያ ቪልኒየስ አውሮፕላን ማረፊያ ለማረፍ እየተቃረበ በነበረበት ወቅት ተከስክሷል፡፡

በዚህም ከአራቱ የበረራ ሠራተኞች የአንደኛው ሕይወት ወዲያውኑ ሲያልፍ ሦስቱ የአካል ጉዳት እንደደረሰባቸው ቢቢሲ ዘግቧል፡፡

የአደጋው ምክንያት እስከ አሁን በግልጽ አለመታወቁን ያስታወሰው ዘገባው÷ ፖሊስ በበኩሉ በወቅቱ የነበሩ አብራሪዎችን ተጠያቂ ማድረጉን አመላክቷል፡፡