ሊቨርፑል ሳውዝሃምፕተንን በማሸነፍ መሪነቱን አጠናከረ

አዲስ አበባ፣ ሕዳር 15፣ 2017 (ኤፍ ቢ ሲ) በ12ኛ ሳምንት የእንግሊዝ ፕሪሚየር ሊግ ወደ ሴንት ሜሪ ስታዲየም ያቀናው ሊቨርፑል ሳውዝሃምፕተንን 3 ለ 2 በማሸነፍ መሪነቱን ማጠናከር ችሏል፡፡

ለሊጉ መሪ ዶሚኒክ ዞቦስላይ እና ሞሃመድ ሳላህ ግቦቹን ሲያስቆጥሩ ለሳውዝሃምፕተን ከመሸነፍ ያልታደጋቸውን ግቦች አርምስትሮንግ እና ማቲያስ ፈርናንዴዝ ግቦቹን አስቆጥረዋል፡፡

በዚህም ሊቨርፑል መሪነቱን በማጠናከር ፕሪሚየር ሊጉን በ31 ነጥብ ከተከታዩ ማንቼስተር ሲቲ በ8 ነጥብ ልዩነት መምራት ችሏል፡፡

ምሽት 1 ሰዓት ከ30 ማንቼስተር ዩናይትድ ከአዲስ አዳጊው ኢፕስዊች ታውን ጋር ጨዋታውን ሲያደርግ ፖርቹጋላዊው አሰልጣኝ ሩበን አሞሪም ለመጀመሪያ ጊዜ ቡድኑን በአሰልጣኝነት የሚመራ ይሆናል፡፡