አፋር ክልል ለኢንቨስተሮች አስፈላጊውን ድጋፍ እንደሚያደርግ አስታወቀ

አዲስ አበባ፣ ሕዳር 13፣ 2017 (ኤፍ ቢ ሲ) በአፋር ክልል በኢንቨስትመንት ዘርፍ ለሚሰማሩ ባለሀብቶች አስላጊው ድጋፍ እንደሚደረግ የክልሉ ርዕሰ መሥተዳድር አወል አርባ ገለፁ፡፡

አቶ አወል ከኢንዱስትሪ ሚኒስቴር የሥራ ኃላፊዎች እና ባለሃብቶች ጋር በተወያዩበት ወቅት÷ ጥናቶችን መነሻ በማድረግ በክልሉ የሚገኙ እምቅ ሃብቶችን ለማልማት ለሚመጡ ባለሃብቶች ተገቢውን ድጋፍ እናደርጋለን ብለዋል፡፡

የመሠረተ-ልማትና ግብዓት ዘርፍ ሚኒስትር ዴዔታ ሀሰን መሀመድ በበኩላቸው÷ ባለሀብቶች በሀገር ውስጥ መዋዕለ-ነዋያቸውን በማፍሰስ የአምራች ኢንዱስትሪውን ተወዳዳሪ እንዲያደርጉ ጠይቀዋል፡፡

የመንግሥት ድጋፍ ኢንቨስተሮች በሀገር ውስጥ የሚገኙ ፀጋዎችን እንዲያለሙ እና ለሀገር እድገት አስተዋፅኦ እንዲያበረክቱ ይረዳል ያሉት ደግሞ የውይይቱ ተሳፊ ባለሃብቶች ናቸው፡፡