የኢትዮጵያ ንግድ ባንክ ከፋና ብሮድካስቲንግ ኮርፖሬት ጋር ያለውን ትብብር እንደሚያጠናክር ገለጸ

አዲስ አበባ፣ ሕዳር 12፣ 2017 (ኤፍ ቢ ሲ) የኢትዮጵያ ንግድ ባንክ ከፋና ብሮድካስቲንግ ኮርፖሬት ጋር ያለውን ትብብር እንደሚያጠናክር ገለጸ።

ባንኩ ለፋና ብሮድካስቲንግ ኮርፖሬት 30ኛ ዓመት የምስረታ በዓል የእንኳን ደረሳችሁ መልካም ምኞት መግለጫ መልዕክት አስተላልፏል።

የባንኩ የስራ ሃላፊዎች በፋና ብሮድካስቲንግ ኮርፖሬት ዋና መስሪያ ቤት በመገኘት መልካም ምኞታቸውን በመግለጽ ስጦታ ያበረከቱ ሲሆን፤ በቀጣይም በሁለቱ ተቋማት መካከል ያለውን ትብብር በማጠናከር በጋራ ለመስራት ያላቸውን ፍላጎት አረጋግጠዋል።

ፋና ብሮድካስቲንግ ኮርፖሬት ላለፉት 30 ዓመታት የብዙሃን ሀሳብ ማዕከል፣ ትናንትን አስታዋሽ፣ ዛሬን ተግቶ ነገን አላሚ በመሆን ወቅታዊ እና አዳዲስ መረጃዎች በቀዳሚነት ተደራሽ በማድረግ ላይ ይገኛል።