አዲስ አበባ፣ ሕዳር 3፣ 2017 (ኤፍ ቢ ሲ) በደቡብ ምእራብ ኢትዮጵያ ህዝቦች ክልል ካፋ ዞን በተከሰተ የመኪና አደጋ በ27 ሰዎች ላይ ከባድና ቀላል የአካል ጉዳት መድረሱን የዞኑ ፖሊስ የትራፊክ አደጋ መከላከልና ቁጥጥር ዲቪዥን አስታወቀ፡፡
አደጋው ዛሬ ከማለዳው 12፡30 ከቴፒ ከተማ ወደ አዲስ አበባ ሲጓዝ የነበረ የህዝብ ማመላለሻ ተሽከርካሪ በካፋ ዞን ጊምቦ ወረዳ የብጦ ቀበሌ በመገልበጡ የደረሰው ነው፡፡
በዚህም በ16 ሰዎች ላይ ከባድ የአካል ጉዳት ሲደርስ በ11 ሰዎች ላይ ደግሞ ቀላል የአካል ጉዳት መድረሱን የዞኑ ፖሊስ የትራፊክ አደጋ መከላከልና ቁጥጥር ዲቪዥን ኃላፊ ኢንስፔክተር ዳዊት ደሳለኝ ገልጸዋል፡፡
በንብረት ላይም ከፍተኛ ጉዳት መድረሱን መናገራቸውን ከክልሉ ፖሊስ ኮሚሽን ያገኘነው መረጃ አመላክቷል፡፡
ተጎጂዎች ቦንጋ ገብረፃዲቅ ሆስፒታል የህክምና እርዳታ እየተደረገላቸው መሆኑን የተናገሩት ኃላፊው የአደጋው መንስዔም እየጣራ ነው ብለዋል፡፡