ሊቨርፑል ከአስቶንቪላ እንዲሁም ማንቼስተር ሲቲ ከብራይተን የሚያደርጉት ጨዋታ ይጠበቃል

አዲስ አበባ፣ ጥቅምት 30፣ 2017 (ኤፍ ቢ ሲ) በእንግሊዝ ፕሪሚየርሊግ 11ኛ ሳምንት ሊቨርፑል ከአስቶንቪላ እንዲሁም ማንቼስተር ሲቲ ከብራይተን የሚያደርጉት ጨዋታ ተጠባቂ ነው፡፡

የሊጉ መሪ ሊቨርፑል ከአስቶን ቪላ ጋር የሚያደርገው ጨዋታ ምሽት 5 ሰዓት ላይ ደርጋል፡፡

በአንፊልድ በሚደረገው ጨዋታ ሊቨርፑል መሪነቱን ለማስጠበቅ የሚጫወት ሲሆን አስቶንቪላ ደረጃውን ለማሻሻል እና ከሜዳው ውጭ ነጥብ ይዞ ለመመለስ ይጫወታል፡፡

ምሽት 2 ሰዓት ከ30 በሚደረገው ጨዋታ ደግሞ ማንቼስተር ሲቲ ወደ አሜክስ ስታዲየም ተጉዞ ብራይተን ሆቭ አልቢዮንን ይገጥማል፡፡

በጨዋታው ሩበን ዲያዝ፣ ኬቨን ዲቡርይና፣ ሮድሪ፣ ጆን ስቶንስ፣ ጃክ ግሪሊሽ እና ኦስካር ቦብ በጉዳት ምክንያት ከምሽቱ ጨዋታ ውጭ ሲሆኑ በብራይተን በኩል የተሰማ የጉዳት ዜና የለም፡፡

አስቀድሞ ምሽት 12 ሰዓት በሚደረጉ ጨዋታዎቸ ብረንትፎርድ ከቦርንማውዝ፣ ክሪስታል ፓላስ ከፉልሃም፣ ዌስትሃም ከኤቨርተን፣ ዎልቭስ ከሳውዝሃፕተን ይጫወታሉ፡፡

ፕሪሚየር ሊጉን ሊቨርፑል በ25 ነጥብ ሲመራ ማንቼስተር ሲቲ በ23 እንዲሁም ኖቲንግሃም ፎረስት በ19 ነጥብ 2ኛ እና 3ኛ ደረጃ ላይ ተቀምጠዋል፡፡