አምባሳደር ገነት ተሾመ የሹመት ደብዳቤያቸውን ለፕሬዚዳንት ፑቲን አቀረቡ

አዲስ አበባ፣ ጥቅምት 26፣ 2017 (ኤፍ ቢ ሲ) በሩሲያ የኢትዮጵያ አምባሳደር ሆነው የተሾሙት ገነት ተሾመ የሹመት ደብዳቤያቸውን ለሩሲያ ፕሬዚዳንት ቭላድሚር ፑቲን አቅርበዋል።

ፕሬዚዳንት ፑቲን በዚህ ወቅት÷ ሩሲያ ከኢትዮጵያ ጋር ጠንካራ የወዳጅነት ግንኙነት ያላት መሆኑን ገልጸዋል፡፡

ሩሲያ በኢኮኖሚ፣ በንግድ፣ በቴክኖሎጂ ሽግግር፣ በሰብዓዊ ጉዳዮች እንደ ኢትዮጵያ ካሉ አጋርና ወዳጅ ሀገራት ጋር በጋራ ለመሥራት ዝግጁ መሆኗንም ፕሬዚዳንት ፑቲን አንስተዋል።

ሀገራቸው የሩሲያ-አፍሪካ የውጭ ጉዳይ ሚኒስትሮች ስብስባን ለማስተናገድ ዝግጅት ማጠናቀቋን መግለጻቸውን ከኤምባሲው ያገኘነው መረጃ ያመላክታል፡፡