አዲስ አበባ፣ ጥቅምት 23፣ 2017 (ኤፍ ቢ ሲ) ኢትዮ ቴሌኮም አምስተኛ ትውልድ የኢንተርኔት አገልግሎትን በወላይታ ሶዶ ከተማ አስጀምሯል፡፡
በመርሐ ግብሩ የተገኙት የኢትዮ ቴሌኮም ዋና ሥራ አስፈጻሚ ፍሬሕይወት ታምሩ÷ 5ኛ ትውልድ የኢንተርኔት አገልግሎት ዘመኑ የደረሰበት ከፍተኛ ቴክኖሎጂ መሆኑን ተናግረዋል፡፡
ለማሕበረሰቡ በርካታ ቱሩፋቶችን የሚያበረክተውና የኢኮኖሚ እንቅስቃሴን የሚያቀላጥፋው 5ኛ ትውልድ ኔትወርክ በርካታ ጥቅሞች እንዳሉት አውስተዋል።
አገልግሎቱ ዲጂታል ኢትዮጵያን እውን ከማድረግ ባሻገር ለዜጎች የሥራ ዕድል እንደሚፈጥርም ነው የገለጹት፡፡
5ኛ ትውልድ የኢንተርኔት አገልግሎት በደቡብ ሪጅን ከወላይታ ሶዶ በተጨማሪ በአርባ ምንጭና ሆሳዕና ከተሞች ተጀምሯል፡፡
በማቴዎስ ፈለቀ