ኢትዮጵያ በብሪክስ የወጣቶች ስብሰባ ላይ እየተሳተፈች ነው

አዲስ አበባ፣ ጥቅምት 23፣ 2017 (ኤፍ ቢ ሲ) ኢትዮጵያ በሩሲያ ካዛን እየተካሄደ በሚገኘው የብሪክስ የወጣቶች ምክር ቤት ስብሰባ ላይ እየተሳተፈች ነው፡፡

በስብሰባው ከኢትዮጵያ ወጣቶች ምክር ቤት እና ከሴቶች እና ማህበራዊ ጉዳይ ሚኒስቴር የተውጣጣ ልዑክ እየተሳተፈ ይገኛል።

በወጣቶች ሁለንተናዊ ተጠቃሚነት ዙሪያ የፓናል ውይይት የተካሄደ ሲሆን÷ በመድረኩ ኢትዮጵያን በመወከል መልዕክት ተላልፏል።

ልዑኩ ኢትዮጵያ በብሪክስ ማዕቀፍ ውስጥ የመተባበር እና የአንድነት መንፈስ ይጎለብት ዘንድ ሚናዋን በተገቢው መልኩ እንደምትወጣ መግለጹን ከሴቶችና ማህበራዊ ጉዳይ ሚኒስቴር ያገኘነው መረጃ ያመላክታል፡፡

ቡድኑ ከስብሰባው ጎን ለጎን የካዛን ከተማ የወጣት ማዕከሎችንና የቱሪስት መዳረሻ ስፍራዎችንም መጎብኘቱ ተገልጿል፡፡