የኮምቦልቻ ከተማ የብልፅግና ፓርቲ ደጋፊዎች የሰላም የእግር ጉዞ አደረጉ

አዲስ አበባ፣ ጥቅምት 17፣ 2017 (ኤፍ ቢ ሲ) በኮምቦልቻ ከተማ የሚገኙ የብልፅግና ፓርቲ ደጋፊዎች የሰላም የእግር የእግር ጉዞ አድርገዋል፡፡

የኮምቦልቻ ከተማ ከንቲባ ሙሐመድ አሚን በዚሁ ወቅት ባደረጉት ንግግር÷ ከተማዋ በሰላምና በልማት ጎዳና ላይ እንደምትገኝ ገልጸዋል፡፡

ከልማት የሚገኘውን ጥቅም ዘላቂ ለማድረግም ማኅበረሰቡ ሰላሙን አስጠብቆ መቀጠል እንዳለበት አስገንዝበዋል፡፡

የኮምቦልቻ ከተማ ብልጽግና ፓርቲ ጽሕፈት ቤት ኃላፊ ሙሉጌታ አቢ በበኩላቸው÷ መንግሥት ከተማዋን ሰላም ለማድረግ የተለያዩ አደረጃጀቶችን በመጠቀም ማሕበረሰቡ ሰላሙን እንዲጠብቅ እየሠራ መሆኑን አንስተዋል።

ሰላም ለልማት በመሆኑ ሁሉም ለሰላም ሊቆም ይገባል ያሉት ኃላፊው÷ መንግሥት ሰላምን ለማስጠበቅ እየሠራ ያለውን ተግባር እንደሚያስቀጥልም ገልጸዋል።

ከድር መሐመድ