የካፍ ቀጣናዊ የእግር ኳስ ማህበራት ስብስባ ተጀመረ

አዲስ አበባ፣ ጥቅምት 10፣ 2017 (ኤፍ ቢ ሲ) የአፍሪካ እግር ኳስ ኮንፌዴሬሽን ቀጣናዊ የእግር ኳስ ማህበራት ስብስባ ዛሬ በአዲስ አበባ መካሄድ ጀምሯል።

ስብስባው ለሁለት ቀናት የሚቆይ ሲሆን÷46ኛው የአፍሪካ እግር ኳስ ኮንፌዴሬሽን (ካፍ) ጠቅላላ ጉባዔ ጥቅምት 12 ቀን 2017 ዓ.ም በአዲስ አበባ እንደሚካሄድ ተገልጿል፡፡

ከጉባዔው ጎን ከጎን የተለያዩ ሁነቶች በመካሄድ ላይ እንደሚገኙም ኢዜአ ዘግቧል፡፡

ከመርሃ ግብሮቹ አንዱ የካፍ ቀጣናዊ የእግር ኳስ ማህበራት የሚያካሂዷቸው ስብስባዎች ናቸው።

የደቡብ አፍሪካ እግር ኳስ ማህበራት ምክር ቤት፣ የምዕራብ አፍሪካ እግር ኳስ ማህበር “ኤ” ዞን፣ የምዕራብ አፍሪካ እግር ኳስ ማህበር “ቢ” ዞን፣ የምስራቅ እና መካከለኛው አፍሪካ እግር ኳስ ማህበራት ምክር ቤት እና የማዕከላዊ አፍሪካ እግር ኳስ ፌዴሬሽኖች ማህበር ዛሬ ስብስባቸውን ያደርጋሉ።