በአዲስ አበባ ማዕከል ስልጠና እየወሰዱ ያሉ አመራሮች የልማት ሥራዎችን ጎበኙ

አዲስ አበባ፣ ጥቅምት 3፣ 2017 (ኤፍ ቢ ሲ) የብልጽግና ፓርቲ ሁለተኛ ዙር ሥልጠናን በአዲስ አበባ ማዕከል እየወሰዱ ያሉ አመራሮች በከተማዋ የተከናወኑ የልማት ሥራዎችን ጎበኙ።

በጉብኝታቸውም የመከላከያ ዋና መስሪያ ቤትን ጨምሮ በከተማዋ የተከናወኑ የኮሪደር ልማት፣ የተቋማት የዲጂታል አገልግሎት አሰጣጥና ሌሎች ተቋማትን መጎብኘታቸውን ኢዜአ ዘግቧል፡፡

ከፌዴራል ጀምሮ በየደረጃው ያሉ አመራሮች “የህልም ጉልበት ለእመርታዊ እድገት” በሚል መሪ ሐሳብ የብልጽግና ፓርቲ ሁለተኛ ዙር ስልጠናን እየተከታተሉ ነው፡፡

በተመሳሳይ በተለያዩ ክልሎች ስልጠና እየተከታተሉ የሚገኙ አመራሮች ስልጠናውን በሚከታተሉባቸው ማዕከላት አካባቢ ያሉ የልማት ሥራዎችን ጎብኝተዋል፡፡