አዲስ አበባ፣ ጥቅምት 1፣ 2017 (ኤፍ ቢ ሲ) ከ4ኛ እስከ 13ኛ ሳምንት ባሉ መርሐ-ግብሮች የኢትዮጵያ ፕሪሚር ሊግ ጨዋታዎች ላይ ማስተካከያ መደረጉን የኢትዮጵያ ፕሪሚየርሊግ አክሲዮን ማኅበር አስታወቀ፡፡
የ2017 የኢትዮጵያ ፕሪሚየር ሊግ ከ1ኛ እስከ 3ኛ ሳምንት መርሐ-ግብሮች በድሬዳዋ ስታዲየም ከተደረጉ በኋላ በብሔራዊ ቡድኑ የአፍሪካ ዋንጫ ማጣሪያ ጨዋታ ምክንያት መቋረጡ ይታወቃል።
በዚህ ዓመት የወልቂጤ ከተማ እግር ኳስ ክለብ ከውድድሩ መሰረዙን ተከትሎም በ18 ተሳታፊ ክለቦች የሚካሄደው ሊግ÷ ከ4ኛ ሳምንት በኋላ ያለው መርሐ-ግብር ማስተካከያ ተደርጎበታል መባሉን የማኅበሩ መረጃ አመላክቷል፡፡
በዚህም መሰረት ከ5ኛ ሳምንት ውጭ ጠዋት 3 ሰዓት ከ30 ላይ የሚደረግ ጨዋታ እንደማይኖር ነው ሪሚየር ሊጉ ያስታወቀው፡፡
በተመሳሳይ ከ5ኛ ሳምንት ውጭ ባሉ የቀሪ ሳምንታት መርሐ-ግብሮች ላይ ሁለት አራፊ ቡድኖች በየሳምንቱ እንደሚኖሩ ተገልጿል፡፡