የቀድሞ የእግር ኳስ አሰልጣኝ አዳነ ገብረየሱስ ከዚህ ዓለም በሞት ተለዩ

አዲስ አበባ፣ መስከረም 14፣ 2017 (ኤፍ ቢ ሲ) በኢትዮጵያ እግር ኳስ ታሪክ ትልቅ ስም ካላቸው አሰልጣኞች መካከል አንዱ የነበሩት አሰልጣኝ አዳነ ገብረየሱስ ከዚህ ዓለም በሞት ተለይተዋል።

አሰልጣኝ አዳነ በኢትዮጵያ ወንዶች እና ሴቶች ብሔራዊ ቡድን፣ ሙገር ሲሚንቶና ሀዋሳ ዱቄትን ጨምሮ በኢትዮጵያ እግር ኳስ ላይ ለረጅም ዓመታት በመስራት የሚታወቁ አንጋፋ የእግር ኳስ አሰልጣኝ ነበሩ፡፡

በተለይም ምርጥ ወጣት ተጫዋቾችን በማፍራት በስፖርት ቤተሰቡ የሚታወቁ ታላቅ ባለሙያ እንደነበሩ የእግር ኳስ ፌዴሬሽን መረጃ አመልክቷል፡፡

የቀድሞ የእግር ኳስ አሰልጣኝ አዳነ ገብረየሱስ ባደረባቸው ሕመም በሕክምና ሲረዱ ቆይተው ከዚህ ዓለም በሞት ተለይተዋል፡፡