ፕሪሚየር ሊጉ ከዓለም አቀፍ ጨዋታዎች በኋላ ዛሬ ይመለሳል

አዲስ አበባ፣ መስከረም 4፣ 2017 (ኤፍ ቢ ሲ) የእንግሊዝ ፕሪሚየር ሊግ ከዓለም አቀፍ ጨዋታዎች በኋላ ዛሬ በሚደረጉ ስምንት ጨዋታዎች ይመለሳል፡፡

በዚሁ መሠረት በአራተኛ ሣምንት መክፈቻ ጨዋታ ማንቼስተር ዩናይትድ ከሳውዝሃምፕተን 8 ሠዓት ከ30 ላይ በሴንት ሜሪ ስታዲየም ይገናኛሉ፡፡

እንዲሁም 11 ሠዓት ላይ ማንቼስተር ሲቲ ከብሬንትፎርድ፣ ሊቨርፑል ከኖቲንግሃም ፎረስት፣ ብራይተን ከኢፕስዊች ታውን፣ ክሪስታል ፓላስ ከሌስተር ሲቲ፣ ፉልሃም ከዌስትሃም ዩናይትድ፣ አስቶንቪላ ከኤቨርተን ይጫወታሉ፡፡

ምሽት 4 ሠዓት ላይ ደግሞ የአሰልጣኝ ኤንዞ ማሬስካ ቡድን ቼልሲ ወደ ቫይታሊቲ ስታዲየም አቅንቶ ከቦርንማውዝ ጋር ጨዋታውን ያደርጋል፡፡