አዲስ አበባ፣ ነሐሴ 28፣ 2016 (ኤፍ ቢ ሲ) በፈረንሳይ ፓሪስ በተካሄደው 17ኛው የፓራሊምፒክ ውድድሮች ኢትዮጵያ 2 የወርቅና 1 የብር ሜዳሊያዎችን በማግኘት ተሳትፎዋን አጠናቅቃለች።
በዚሁ መሠረት አትሌት ትዕግስት ገዛኸኝ በ1 ሺህ 500 ሜትር ሴቶች የጭላንጭል (T-13) እና ያየሽ ጌቴ በ1 ሺህ 500 ሜትር ሴቶች የአይነ ስውር (T-11) የወርቅ ሚያዲያ ለሀገራቸው አስገኝተዋል፡፡
በተመሳሳይ አትሌት ይታያል ስለሺ በ1 ሺህ 500 ወንዶች አይነስውር ጭላንጭል (T-11) የብር ሜዳሊያ ማስገኘት ችሏል፡፡
በአጠቃላይ ኢትዮጵያ በ17ኛው የፓራሊምፒክ ተሳትፎዋ በ2 የወርቅ እና 1 ብር ሜዳሊያዎች ከዓለም 28ኛ ደረጃ ላይ ሆና ውድድሩን ማጠናቀቋን ኢዜአ ዘግቧል፡፡
የዘንድሮው ውጤትም ከ16ኛው የፓራሊምፒክ ጨዋታዎች አንጻር የተሻለ ነው ተብሏል፡፡