በፕሪሚየር ሊጉ የላንክሻዬር ደርቢ በኦልድትራፎርድ ይደረጋል

አዲስ አበባ፣ ነሐሴ 26፣ 2016 (ኤፍ ቢ ሲ) በእንግሊዝ ፕሪሚየር ሊግ ማንቼስተር ዩናይትድ ከሊቨርፑል የሚያደርጉት የላንክሻዬር ደርቢ ጨዋታ ዛሬ 12 ሠዓት ላይ ይደረጋል፡፡

ቀደም ሲል ከተደረጉ ሥድስት የላንክሻዬር ደርቢ ጨዋታዎች ሊቨርፑል አምስቱን እንዲሁም ማንቼስተር ዩናይትድ አንድ ጊዜ አሸንፈዋል፡፡

ግብፃዊው አጥቂ ሞሐመድ ሳላህ በኦልድትራፎርድ መረብ ላይ 14 ጎሎችን ሲያስቆጥር÷ እንግሊዛዊው ማርከስ ራሽፎርድ ደግሞ ሰባት ጎሎችን በሊቨርፑል መረብ ላይ ማሳረፍ ችሏል፡፡

በማንቼስተር ዩናይትድ በኩል ሜሰን ማውንት በጉዳት ምክንያት የዛሬው ጨዋታ እንደሚልፈው ተሰምቷል፡፡

ዛሬ የሚደረጉ የሊጉ መርሐ-ግብሮች ሲቀጥሉ÷ የአሰልጣኝ ኤንዞ ማሬስካ ቡድን ቼልሲ በሜዳው ክሪስታል ፓላስን እንዲሁም ኒውካስል ዩናይትድ በሴንት ጄምስ ፓርክ ከቶተንሀም ሆትስፐር ጋር ይጫወታሉ፡፡