አትሌት ታምራት ቶላ በትውልድ አካባቢው አቀበባል ተደረገለት

አዲስ አበባ፣ ነሐሴ 19፣ 2016 (ኤፍ ቢ ሲ) በፓሪስ ኦሊምፒክ የወንዶች ማራቶን አሸናፊው አትሌት ታምራት ቶላ በዛሬው ዕለት በትውልድ አካባቢው በኦሮሚያ ክልል ሰሜን ሸዋ ዞን  አሌልቱ ወረዳ ሚአዋ ከተማ ደማቅ አቀባበል ተደረገለት።

አትሌቱ በከተማው ሲደርስ የአካባቢው ማህበረሰብ፣ የወረዳው አመራሮችና የአትሌቱ ቤተሰቦች የጀግና አቀባበል አድርገውለታል።

አትሌት ታምራት ቶላ በፓሪስ ኦሊምፒክ በማራቶን ክብረወሰን በማሻሻል ጭምር አሸንፎ ለኢትዮጵያ የወርቅ ሜዳሊያ ማስገኘቱ ይታወቃል።

በዚህም አትሌቱ  የእነ አበበ ቢቂላን፣ ማሞ ወልዴን እና ገዛኽኝ አበራን ታሪክ በመድገም ስሙን ከታላላቆቹ የኦሎምፒክ አሸናፊ አትሌቶች ጎን እንዲመዘገብ ማድረጉ ይታወሳል።

በአበበ የሸዋልዑል