መድፈኞቹ በፕሪሚየር ሊጉ ሁለተኛ ድላቸውን አስመዘገቡ

አዲስ አበባ፣ ነሐሴ 18፣ 2016 (ኤፍ ቢ ሲ) የሰሜን ለንደኑ ክለብ አርሰናል አስቶንቪላን በሜዳው 2 ለ 0 በማሸነፍ የፕሪሚየር ሊጉን ሁለተኛ ድል አስመዝግቧል፡፡

ጎሎቹንም ትሮሳርድ በ67ኛው እንዲሁም ፓርቴ በ77ኛው ደቂቃ ከመረብ አሳርፈዋል፡፡

በቅድመ ጨዋታ የማሸነፍ ግምት የተሰጠው አርሰናል ኳስ ተቆጣጥሮ በመጫወት ብልጫ ወስዷል፡፡

በመጀመሪያው ሣምንት የፕሪሚየር ሊጉ ጨዋታዎች አርሰናል ዎልቭስን 2 ለ 0 ሲረታ÷ አስቶንቪላ ዌስትሃምን 2 ለ 1 ማሸነፉ ይታወሳል፡፡

ዛሬ ቀንና አመሻሽ ላይ በተካሄዱ የፕሪሚየር ሊጉ ሁለተኛ ሳምንት ጨዋታዎች÷ ብራይተን ማንቼስተር ዩናይትድን 2 ለ 1፣ ቶተንሃም ኤቨርተንን 4 ለ 0፣ ዌስትሃም ክሪስታል ፓላስን 2 ለ 0፣ ኖቲንግሃም ፎረስት ሳውዝ ሃምተንን 1 ለ 0፣ ፉልሃም ሌስተር ሲቲን 2 ለ 1 እንዲሁም ማንቼስተር ሲቲ ኢፕስዊች ታውንን 4 ለ 1 አሸንፈዋል፡፡