ቶተንሃም፣ ኖቲንግሃም ፎረስት፣ ፉልሃም፣ ማንቼስተር ሲቲና ዌስትሃም ተጋጣሚዎቻቸውን አሸነፉ

አዲስ አበባ፣ ነሐሴ 18፣ 2016 (ኤፍ ቢ ሲ) በእንግሊዝ ፕሪሚየር ሊግ ሁለተኛ ሣምንት ጨዋታዎች ቶተንሃም ሆትስፐር፣ ዌስትሃም፣ ኖቲንግሃም ፎረስት፣ ፉልሃም እና ማንቼስተር ሲቲ ተጋጣሚዎቻቸውን አሸንፈዋል፡፡

በዚህም መሠረት÷ ቶተንሃም ኤቨርተንን 4 ለ 0፣ ዌስትሃም ክሪስታል ፓላስን 2 ለ 0፣ ኖቲንግሃም ፎረስት ሳውዝ ሃምተንን 1 ለ 0፣ ፉልሃም ሌስተር ሲቲን 2 ለ 1 በሆነ ውጤት አሸንፈዋል፡፡

ኢፕስዊች ታውንን ያስተናገደው ማንቼስተር ሲቲ ደግሞ 4 ለ 1 በመርታት በፕሪሚየር ሊጉ ሁለተኛ ድሉን አስመዝግቧል፡፡

በዚሁ ጨዋታ የውኃ ሰማያዊዮቹ የፊት መሥመር ተጫዋች ኤርሊንግ ሃላንድ ሦስት ጎሎችን ማስቆጠር ችሏል፡፡

ዛሬ ቀን ላይ በተደረገ የሁለተኛ ሣምንት ጨዋታ ማንቼስተር ዩናይትድ በብራይተን 2 ለ 1 መሸነፉ ይታወቃል፡፡

የሁለተኛ ሣምንት የጨዋታ መርሐ-ግብር ሲቀጥል ምሽት 1 ሠዓት ከ30 ላይ አስቶንቪላ ከአርሰናል ይገናኛሉ፡፡