በፕሪሚየር ሊጉ ብራይተን ማንቼስተር ዩናይትድን አሸነፈ

አዲስ አበባ፣ ነሐሴ 18፣ 2016 (ኤፍ ቢ ሲ) በእንግሊዝ ፕሪሚየር ሊግ ሁለተኛ ሣምንት ጨዋታ ማንቼስተር ዩናይትድን በሜዳው ያስተናገደው ብራይተን 2 ለ 1 አሸንፏል፡፡

የብራይተንን ጎሎች ዳኒ ዌልቤክ በ32ኛው እና ፔድሮ በ95ኛው ደቂቃ ከመረብ ሲያሳርፉ÷ የቀያይ ሰይጣኖቹን ብቸኛ ጎል አማድ ዲያሎ በ60ኛው ደቂቃ አስቆጥሯል፡፡

በፕሪሚየር ሊጉ የመጀመሪያ ሣምንት ጨዋታዎች ብራይተን ኤቨርተንን 3 ለ 0 እንዲሁም ማንቼስተር ዩናይትድ ፉልሃምን 1 ለ 0 መርታታቸው ይታወሳል፡፡

የሁለተኛ ሣምንት የጨዋታ መርሐ-ግብሮች ሲቀጥሉ÷ ቶተንሃም ከኤቨርተን፣ ክሪስታል ፓላስ ከዌስትሃም፣ ሳውዝ ሃምፕተን ከኖቲንግሃም ፎረስት፣ ፉልሃም ከሌስተር ሲቲ እንዲሁም ማንቼስተር ሲቲ ከኢፕስዊች ታውን በተመሳሳይ 11 ሠዓት ላይ ይጫወታሉ፡፡

1 ሠዓት ከ30 ላይ ደግሞ አስቶንቪላ ከአርሰናል ይገናኛሉ፡፡